Espero

()


Hot tip:You can sing this song with a PC karaoke player!
With Microke you can sing songs and much more
See www.microke.com for details.

Lyric:

En la mondon venis nova sento
Tra la mondo iras forta voko;
Per flugiloj de facila vento
Nun de loko flugu ghi al loko.
Ne al glavo sangon soifanta
Ghi la homan tiras familion:
Al la mond' eterne militanta
Ghi promesas sanktan harmonion.
Sub la sankta signo de l' espero
Kolektighas pacaj batalantoj,
Kaj rapide kreskas la afero
Per laboro de la Esperantoj.
Forte staras muroj de miljaroj
Inter la popoloj dividitaj,
Sed dissaltos la obstinaj baroj
Per la sankta amo disbatitaj.
Sur newtrala lingva fundamento,
Komprenante unu la alian,
La popoloj faros en konsento
Unu grandan rondon familian.
Nia diligenta kolegaro
En laboro paca ne lacighos
Ghis la bela songho de l' homaro
Por eterna ben' efektivighos.